-რას იტყვი ახალ გუნდზე?
-კარგ გუნდში მოვხვდი. უშუალო ატმოსფეროა, ბიჭებმა თავისიანად მიმიღეს.
-ესპანურ სარაგოსაში გაიზარდეთ. რა განსხვავებაა ქართულ და ესპანურ ფეხბურთის სტილს შორის?
- ესპანეთში უფრო მეტად დაბლა აგორებენ ბურთს და ბევრი პასი კეთდება. აქ შედარებით მეტია ორთაბრძოლა... თუმცა ეს არ მაშინებს მალევე შევეწყობი აქაურობას...
-"სარაგოსას” ძირითად გუნდში თამაში არ გიწევდათ, თუმცა მაინც რისკია, როცა უცხო, მითუმეტეს, ალჟირიდან შორს მიდიხარ. რატომ აირჩიეთ "ზესტაფონი”?
- ჩემმა მენეჯერმა მითხრა, რომ საქართველოს გუნდი იყო დაინტერესებული. უარი აღარ ვთქვი: მთავარი ის იყო, რომ ძირითად გუნდში მოვდიოდი. ახლა ჩემზეა დამოკიდებული თუ რას როგორ ვიზამ აქ. მინდა ძალიან ევროთასებზე თამაშიც.
- "სარაგოსაში” ყველაზე პოპულარული ფეხბურთელი ვინაა?
- მეკარე რობერტო ხიმენესი და პორტუგალიელი ფორვარდი ელდერ პოშტიგა.
-როცა საქართველოში მოდიოდით ვინმეს რამე ჰკითხეთ ჩვენს ქვეყანაზე?
-როდესაც "ზესტაფონში” მოვდიოდი, გამოვკითხე სარაგოსელ შვეცს რაღაც-რაღაცეები, რომელიც საქართველოშია დაბადებული. მხოლოდ კარგი მითხრა.
-გუნდის მიზანი ამ წელს....
-რა თქმა უნდა ჩემპიონატის მაღალ პოზიციაზე დასრულება , ევროთასების საკვალიფიკაციოზე მოხვედრა და რაც მთავარია ჯგუფში მოხვედრა.
დაპოსტა: ADMIN -მ(ა)