ხორვატმა, რომელიც "სამეფო კლუბში" ამ ზაფხულს "ტოტენჰემიდან" 30 მილიონი ევროს სანაცვლოდ გადმოვიდა, ძირითად შემადგენლობაში ადგილის დამკვიდრება ვერ მოახერხა. ცოტა ხნის წინ ლუკამ უკმაყოფილება გამოთქვა მცირე სათამაშო დროის გამო და სიტუაციის გამოსწორება ისურვა. მანჩესტერ "იუნაიტედის" მთავარი მწვრთნელი სერ ალექს ფერგიუსონი იმედოვნებს, რომ ამ ზაფხულს შეძლებს ხორვატ ფეხბურთელთან მოლაპარაკებების სასურველი სცენარით წარმართვას. როგორც ჩანს სერ ალექს მოდრიჩთან დაკავშირებით სერიოზული გეგმები აქვს.
ამ სეზონში ლუკამ "ლა ლიგაში" 21 შეხვედრაში მიიღო მონაწილეობა და 1 გოლი გაიტანა.
